Fallxhorja e ndau nga burri, e zbuloi se e tradhtonte
Se gjërat e jashtëzakonshme ,siç mund të jetë magjia, ekzistojnë dhe hyjnë në jetën e njerëzve, janë gjëra që i bëjnë kureshtarë këta njerëz. Kur nuk u shkojnë punët mirë në jetën private apo edhe në ndonjë biznes, ata janë të prirë t’ua besojnë fallxheshave për fatin që ua “përcaktojnë”.
Nga kureshtja që të shohin të ardhmen e tyre bëjnë gjëra nga më të ndryshmet. E një rast i tillë ishte edhe 35 vjeçarja D. S., e cila tregon se si martesa e saj ishte prishur për shkak të një lloj magjie që ajo mendon se kishte hyrë në mes burrit dhe asaj.“Unë u martova e re dhe martesa ime ishte perfekt, madje nuk kisha asnjë problem dhe kështu dy vjet pothuajse shkuan mirë, por asnjëherë nuk e kam menduar se mund të ketë ndonjë gjë që do të ma prish martesën”, tregon ajo. Fallxhesha më tregoj se ai më tradhëtonte.
Mjekët nuk i gjenin asnjë ilaç djalit.
Jo gjithherë gjërat shkojnë ashtu siç i duam dhe i paramendojmë ne dhe kështu kishte ndodhur edhe tek kjo grua.“Pas dy vjetësh martesë linda një djalë dhe u gëzuam të gjithë. Madje ai u bë personi më i dashur në familje, pasi që kishte kaluar kohë e gjatë e që në atë shtëpi nuk kishin pasur fëmijë. Por, pas një muaji djali im u sëmurë dhe vetëm qante e asnjëherë nuk ndalej. E dërgoja tek mjekët, por ata thoshin se me shëndet është tejet mirë, nuk ka problem, megjithatë na shqetësonte tepër dhe nuk e dija se çka të bëja më shumë”, është shprehur ajo, duke kujtuar atë periudhë tejet të vështirë.
E sado që ishin munduar ta qetësonin fëmijën e tyre nuk kishin mundur, madje burri i saj ishte lodhur duke dëgjuar të qarat e tij. “Burri u lodh dhe më tha se nuk mundet më ta dëgjojë, ndërsa më la vetëm mua të merresha me të. E sado që e dërguam tek të gjithë mjekët, madje edhe jashtë , nuk gjetëm ndonjë gjë për djalin. Kështu kujdesesha vetëm unë, pasi që burri posa vinte nga puna, si e dëgjonte djalin duke qarë nuk mund ta duronte dhe dilte menjëherë dhe më thoshte se po del me shokët e tij”, ka theksuar D. S., duke i ndryshuar mimika e fytyrës.
