Nga ARTUR AJAZI
Janë fallco edhe në Parlament, edhe në protesta. Janë fallco në selinë e partisë edhe në takime me votuesit, kur kthehen pas 4 vitesh mungesë. Janë fallco kur shprehin “indinjata dhe zemërata”, edhe pse punojnë nën “rrogoz” për interesat e tyre. Janë fallco kur bëjnë fushata, propogandë, kur bëjnë thirrje për protesta, aq sa janë fallco dhe të pabesueshëm kur thonë se “11 Maj, është fundi i pushtetit të Edi Ramës”. Janë fallco kur u bëjnë thirrje demokratëve (që i harruan për 4 vjet) apo më keq Akoma emigrantëve “të regjistrohen dhe të votojnë për PD”. Janë fallco kur flasin për “rrogat dhe pensionet e larta kur të marrim pushtetin”. Janë fallco kur premtojnë “barazi në tendera kur të vijmë në pushtet”, apo dhe “luftë ndaj kurrupsionit pas 11 Majit”. Janë fallco kur dalin në bulevarde dhe sheshe para bashkisë Tiranës, kur nxjerrin dhe tundin para kamerave “letra dhe dosje korrupsionit”. Janë po aq fallco kur njëherë e shajnë dhe telendisin Altin Dumanin, dhe pastaj “lëpijnë atë që pështyjnë”. Janë fallco dhe të pabasueshëm, kur shajnë ambasadorët e SHBA, dhe vendeve të tjera euriopiane, dhe pastaj kthehen dhe thonë se “i kemi miq, kemi marrëdhënie të mita me ata”. Janë fallco dhe hipokritë, kur u sulen ministrave dhe zv.kryeministrave, dhe pastaj u servilon atyre për “intervista nga mërgimi” ku bëjnë jetë mondane. Natyrshëm lind pyetja. Pse kaq fallco kjo parti, këta drejtues dhe dirigjues të paaftë të një force politike ? Pse nuk u bënë qoftë edhe 1 herë të vetme, parti e përgjegjshme, e besueshme, serioze, korrekte ? Padyshim, kush është afruar dhe është bërë pjesë e saj në 2-3 dekadat e fundit, ka pësuar transformimin e nevojshëm të imponuar nga Berisha. Ata janë të gjithë “Një”, grusht bashkuar rreth Berishës, njeriut që fallcitetin e ka motivin e përditshmërisë tij politike. Le ta mbajnë, se u duhet. Le ti besojnë se ndoshta i bie në pushtet, ndoshta nga viti 2040.
