Ardian Bitraj, i akuzuar për vjedhjen e rreth 713 milionë lekëve në Thesarin e Shtetit të Bankës së Shqipërisë, është “falur” nga institucioni qëndror bankar në vend.
Është kërkesa e Bankës së Shqipërisë që Ardian Bitraj të rikthejë 713 milionë lekët e vjedhura e cila është pezulluar nga Dhoma Civile e Gjykatës së Tiranës.
Ky pezullim gjykimi i cili rezulton të jetë pa afat, lehtëson Bitrajn nga detyrimi për të kthyer paratë e vjedhura dhe pse ai është dënuar për këtë vjedhje së bashku me kolegen e tij, Mimoza Bruzia.
Zyrtarisht në faqen e gjykatës, gjyqtarja Rezarta Balliu nuk ka dhënë asnjë shpjegim për pezullimin e kësaj padie apo se kur rifillon ky proces me anë të secilit pritet të rikuperohet shuma e parave të vjedhura, para të cilat rëndojnë mbi xhepat e shqiptarëve.
Me anë të kësaj padie, banka kërkonte rikthimin e lekëve të vjedhura nga Ardian Bitraj, Klevis Bejtja dhe Mimoza Bruzia.
