Një ndër skuadrat me të cilat Fadil Vokrri arriti sukses, ishte Partizani i Beogradit, skuadër me të cilën ai luajti për 3 sezone, duke shënuar 47 gola në 107 ndeshje dhe fituar disa trofe të rëndësishëm.
Ndarja nga jeta e tij, ka prekur klubin serb, të cilët nëpërmjet një postimi në rrjetin social “Facebook”, kanë shprehur ngushëllimet e tyre për Vokrrin, duke bërë edhe një përmbledhje të karrierës së Voglit.
Në sy bie fakti që edhe tifozët e Partizanit të Beogradit kanë reaguar në postim, duke shprehur keqardhje për ndarjen nga jeta të Vokrrit, ku shumë nga ata e konsiderojnë legjendë dhe si e tillë duhet vlerësuar për atë që ka dhënë për fanellën e klubit dhe jo për origjinën e tij.
“Sot, në moshën 57-vjeçare, për shkak të një ataku kardiak, ish-futbollisti i Partizanit të Beogradit dhe kombëtares së ish-Jugosllavisë. Ai ka lindur më 23 qershor, 1960 në Podujevë.
Vokrri e nisi karrierën si futbollist në Podujevë dhe në vitin 1980, ai kaloi te Prishtina ku luajti për 6 sezone. Për Partizanin, Vokrri luajti në vitet 1986-1989, duke zhvilluar 107 ndeshje dhe shënuar 47 gola. Ai ka fituar titullin kampion në sezonin 86-87’. Më pas luajti me Fenerbahçen dhe karrierën e përfundoi në Francë
Tifozët e partizanët nuk kishin rezerva rezervë, sepse ai ishte një futboll i nivelit të lartë, një luftëtar pa kompromis në fushë dhe cilësitë e tij njerëzore lanë një gjurmë të thellë në partizanin.
Fadile, prehu në paqe dhe lëre lavdinë tënde të vlerësohet dhe të faleminderit”, shkruhej mes të tjerash në postim.
Klubi i Partizanit ka cituar edhe një prononcim, të cilin Vokrri e ka dhënë ku ka vlerësuar maksimalisht klubin serb dhe tifozerinë e tij.
“Janë tre vitet më të mira të karrierës sime. Unë kurrë nuk do të jem në gjendje t’i harroj ata. I kam uruar Partizanit gjithë të mirat. Kam menduar por Partizanin që para se të vija në Beograd dhe kujtimet atje i kisha më të mira nga sa i kisha menduar”, shprehej Vokrri.
