Ky është e-mail-i që departamenti i raporteve në PD i ka dërguar ditën e sotme të gjithë deputeteve të Partive Popullore në Parlamentin Europian, raporton Lexo.al. Në këtë e-mail, PD i referohet një artikulli të gazetës gjermane Frankfurter Allgemeine Zeitung, në të cilin nenvizohet puna e policisë së shtetit në luftën kundër kanabisit, pavarësisht problemeve në pasijet që policia ka në dispozicion të saj.
Por edhe pse artikulli nënvizon se gjatë vitit 2017 niveli i kultivimit të kanabisit është ulur ndjeshëm, Partia Demokratike ka zgjedhur sërish të nxijë faqen e Shqipërisë tek eurodeputetët. Janë pikërisht institucionet e Brukselit, të cilat PD i ka dizinformuar edhe sot, ata që do të marrin vendimin e rëndësishëm për të ardhmen e Shqipërisë në BE.
Ajo cka është për të ardhur keq nuk është manipulimi që PD i bën artikullit të së përditshmes gjermane, por fakti se opozita shqiptare vazhdon t’i nxijë faqen Shqipërisë në botë dhe përmes këtyre xhesteve përpiqet të vonojë sa më shumë proceset integruese të vendit tonë.
Duket se marrëveshja mes Ramës dhe Bashës për të folur me një gjuhë të përbashkët e pozitive jashtë kufijve shqiptare ka marrë fund. Partia Demokratike ka shfrytëzuar rastin e parë për sharë në Bruksel qeverinë shqiptare, duke e goditur kështu imazhin e Shqipërisë në arenën ndërkombëtare./LEXO.AL
I plotë e-maili si më poshtë:
Të nderuar,
Më poshtë gjeni lidhjen e një artikulli të gjatë botuar dje në gazetën kryesore gjermane “Frankfurter Allgemeine Zeitung” ku paraqiten pamje të rënda lidhur me katastrofën e drogës në Shqipëri,si u përphap ajo në patronazhin e qeverisë Rama në bashkëpunim edhe me oficerë të lartë të policisë duke bërë kështu të mundur eksportin e kanabasit në vendet e BE. (gjithashtu pasqyrojmë konfiskimet e policisë nga Greqia,Italia dhe Hollanda)
Shqipëria është bërë burimi kryesor në Evropë sipas Zyrës së Kombeve të Bashkuara për Drogën dhe Krimin (UNODC), Raportimi botëror mbi drogën
Partia Demokratike,mediat vendase dhe ato ndërkombëtare kanë denoncuar zgjerimin e jashtëzakonshëm të plantacioneve të kanabisit në vitin 2016, të ardhurat e të cilëve do të konkurronin GDP-në e vendit dhe do të kishin ndikimin politik në zgjedhje.
Kryeministri Rama,publikisht dhe në mënyrë të përsëritur e mohoi problemin deri në fillim të vitit 2017 dhe iu referua heshtjes së disa zyrtarëve ndërkombëtarë për këtë çështje për të justifikuar qëndrimin e tij.
Më në fund në fillim të kësaj jave, zonja Vlahutin, ambasadori i BE në Tiranë, përmendi për herë të parë çështjen e narkotikëve si një problem për rrugën e anëtarësimit të vendit tonë në BE.
Megjithatë heshtja e gjatë ndaj çështjeve të drogës, ndërkohë që sfidat e integrimit evropian shpesh i shpjegohen publikut nga zyrtarët e BE, ka ndihmuar qeverinë e Ramës të pretendojë një mosndëshkim ndërkombëtar mbi tregtinë e kanabisit, të inkurajojë zotërinjtë e tij të drogës, zyrtarët si dhe të zvogëlojë kritikët e tij .
Me rezultatin përfundimtar krijohet një dëm I madh,duke përfshirë kriminalizimin e ekonomisë dhe të segmenteve të popullsisë.
Ndërsa kryeministri Rama duhej të shkarkonte Ministrin e Brendshëm Tahiri i cili personalisht drejtonte tregtinë e drogës (ai e mbrojti atë si “ministrin e tij më të mirë” deri në ditën e fundit).
Emërimi i e Gramoz Ruçit si Kryetar i Parlamentit dhe i Fatmir Xhafaj-t si Ministër i Brendshëm,sinjalizon se do të ndodhë e njëjta gjë. Të dy politikanët e Partisë Socialiste kanë lidhje me rrjetet kriminale të narkotikëve.
Fjalët e kryeministrit Rama dhe “veprimet” e luftës kundër drogës deri tani kanë qenë të parëndësishme. Përveç arrestimeve të punëtorëve në terren, zotërinjtë e vërtetë të drogës dhe financat e tyre mbeten të paprekura.
