Presidenti i Ukrainës, Petro Poroshenko anuloi, më 18 korrik 2015, si “të parealizuar” dekretin nr. 762, datë 28 dhjetor 2012, të paraardhësit të tij Viktor Janukoviç, për emërimin e Volodymyr (Vladimir) Poberezhny-t si ambasador të Ukrainës në Shqipëri, shkruan agjencia e lajmeve “Dyrrah” që i referohet zyrës së shtypit të kreut të Kievit (shih faksimilen e parë, dekreti në gjuhën ukrainase).
Me “dekretin e parealizuar” të paraardhësit tij Janukoviç, datë 28 dhjetor 2012, për caktimin e Poberezhny-t si ambasador në Shqipëri ka gjasa që Kievi të ketë ndërmend të hapë ambasadë, rezidente në Tiranë, pa u mbuluar nga Greqia. Por kjo nuk bëhet e ditur.
