Ta mbyllësh llogarinë në Facebook apo të mos e përdorësh më atë rezulton direkt në lumturinë tuaj.
Kjo pasi që një studim i fundit nga Instituti Danez i Hulumtimeve për Lumturinë ka bërë të ditur se Facebook na bën të ndihem më ziliqar, raporton lajmi.net.
Instituti i ka marrë 1000 vullnetarë danez, prej të cilëve 500 nuk e kanë përdorur Facebook-un për një javë, dhe 500 të tjerë kanë vazhduar ta përdorin.
Pas një jave, 88% e atyre që nuk e kanë hapur Facebook-un kanë raportuar se janë ndjerë ‘të lumtur’ ku vetëm 81% e atyre që e kishin vazhduar përdorimin e rrjetit social Facebook kanë raportuar se ndjeheshin të lumtur.
“Në vend se të fokusohemi se çfarë ne kemi nevojë, ne e kemi një tendencë fatkeqe e cila na bën që të fokusohemi në atë se çfarë njerëzit tjerë kanë”, kanë thënë autorët e këtij studimi.
