Fabrika e çimentos në Fushë Krujë që po ‘vret’ në heshtje banorët

Fabrika e çimentos në Fushë Krujë është ndotësi më i madh që vazhdon aktivitetin pa u shqetësuar nga askush. Ndotja që shkakton kjo fabrikë që ditën që filloi punë për herë të parë e deri më sot, është e paimagjinueshme. Sipas mjekëve në Krujë mbi 25 përqind e popullsisë së këtij rrethi vuan nga sëmundje të rënda duke filluar nga ato kancerogjene, sëmundje të mushkërive, sëmundje kardiovaskulare, të tensionit, silikozës, të frymëmarrjes, alergjive të ndryshme etj.

Ndër vite banoret e zonave përreth kanë protestuar herë pas herë por askush nuk i ka dëgjuar. Kjo fabrikë nuk ka dëmtuar rëndë vetëm shëndetin e banorëve por gjithë bimësinë e dhe frutikulturën e fshatrave përreth.

“Ky problem vazhdon prej 20 vitesh. Kjo fabrikë i trajton njerëzit ca të nënës dhe ca të njerkës, ca i dëmshpërblen për frymë, ne nuk marrim asgjë. O të na shpërngulin ose ta na dëmshpërblejnë, këtu nuk jetohet” shprehet banorët.
 
Ndërsa një grua thotë se “Unë e kam fëmijën 9 muajsh dhe kur e dërgoj për kontroll më kanë thënë mjekët ta mbash vetëm në shtëpi“.

Banoret ankohen herë pas herë edhe për vështirësi të mëdha në frymëmarrje. Banoret thonë se fëmijë e të rritur shtrohen shpesh në spital. Sipas mjekëve dhe shoqatat që mbrojnë konsumatorët ajri në këtë zonë mbetet një shqetësim.

“Ndotja ndikon te bllokimi i rrugëve të frymëmarrjes” shprehet Myzejen Varoshi, mjeke.

Pavarësisht shqetësimeve shteti nuk ka marrë masa, pasi banorët thonë se fabrika e çimentos nuk ndez filtrat e ajrit. /shqiptarja.com

ma.me