Shqiperia ka festuar sot Diten Kombetare ne Expo Milano. Dita Kombetare eshte eventi kryesor qe shtetet organizojne ne Expo, ku e gjithe vemendja perqendrohet tek promovimi i vendit ne aspekte te ndryshme qe perfshijne kulturen, historine, traditen, muziken dhe folklorin, kulinarine dhe atraksionet turstike e natyrore.
Dita Kombetare e Shqiperise u caktua ne daten 19 tetor, me rastin e Dites se Lumturimit te Nene Terezes qe eshte figura me perfaqesuese e Shqiperise ne bote.
Delegacioni zyrtar qe kryesohej nga Ministri i Zhvillimit Ekonomik, Turizmit, Tregtise dhe Sipermarrjes Arben Ahmetaj, ne te cilin merrte pjese dhe Ministrja e Kultures Mirela Kumbaro, mori pjese ne ceremonine zyrtare qe filloi ne oren 10:30.
Ne fjalen e hapjes me rastine Dites se Shqiperise, Ministri Ahmetaj tha se pjesemarrja ne Expo eshte nje mundesi shume e mire per prezantimin e vendeve.
Edhe Shqiperia eshte munduar te promovoje vlerat e saj qofte ne aspektin e tradites, kultures, kulinarise qe kane qene elementet ku eshte fokusuar kete vit Expo Milano, por edhe si nje destinacion atraktiv per turizmin.
Ministri beri nje prezantim te performances ekonomike te vendit, klimen e biznesit, mundesine per investime dhe lehtesite qe Shqiperia ofron ne kete drejtim, duke vene nje theks te vecante tek turizmi per shkak te natyres se bukur, mikpritjes shqiptare, ushqimit bio dhe cmimeve ekonomike.
Ai promovoi edhe turizmin hitorik e kulturor, ekoturizmin, turizmin e aventures apo agroturizmin, si pjese e ofertes turistike te vendit tone. Ai falenderoi Kryekomisarin e pergjithshem te Expo Bruno Pasqua per mbeshtetjen ndaj pavionit shqiptar dhe te pranishmit.
Dita Kombetare e Shqiperise u shoqerua me nje interes te jashtezakonshem vizitoresh ne pavion dhe nje sere aktivitetesh promovuese.
