Për faqe të zezë do të ishte përshkrimin më i mirë sa i përket pavionit të Shqipërisë në ‘Expo 2015’ që po mbahet në Milano. Një qytetar ka denoncuar në Facebook gjendjen e mjerueshme dhe prezantimin skandaloz të vendit tonë, krahasuar me shtetet e tjera. Siç shprehet denoncuesi, që sjell edhe fotografitë nga disa pavione, Shqipëria është turpi i këtij panairi dhe nuk arrin dot as standardet afrikane.
Mesazhi i qytetarit:
Ndodhem ne Milano, Expo 2015
Vajta te shoh padiljonin shqipetar i cili ndodhej ne zonen Mesdhetare, se bashku me Serbine, Malin e Zi, Greqine etj. Nuk mund ta pershkruaj dot zhgenjimin, inatin, turpin dhe cdo ndjenje tjeter negative qe mund te ekzistoj.
Nuk po e krahasoj me padiljonet e Italise, Gjermanise, Emirateve te Bashkuara Arabe apo ku di une, por ne ishim realisht, midis qindra shtetesh, gjeja me e turpshme e gjithe ketij organizimi. Nuk ishim as sa vendet me te varfra afrikane. Shpresoj qe dikush nga organet perkatese ta lexoj dhe te marrin masa, edhe pse, tek ata qe na drejtojne s’ka me besim.”
