Çështja më e rëndësishme për votuesit në zgjedhjet e vitit 2020 në Shtetet e Bashkuara është ekonomia, pasi rreth 2/3-at e personave të intervistuar nga CNN dhanë këtë përgjigje në exit poll-in e parë pas votimit.
20% e votuesve zgjodhën pabarazinë racore si çështjen kryesore dhe pak a shumë i njëjti numër votuesish ka zgjedhur pandeminë e koronavirusit si kryesore.
Ndërkohë, më shumë se gjysma e votuesve kanë thënë se është më e rëndësishme të përmbahet koronavirusi sesa të rindërtohet ekonomia. Të ndarë në dysh ishin votuesit edhe për mënyrën sesi po menaxhohet kriza shëndetësore, gjysma mendojnë mirë, gjysma keq.
Ndërsa mbështetësit e presidentit kanë deklaruar masivisht se po votojnë pro Trump dhe jo kundër Biden. Por ndërkohë që 4 në 5 mbështetës të Trump deklarojnë këtë, personat që votojnë për Biden thjesht sepse janë kundër Trump janë më të shumtë.
/a.r
