Të përballura me rikthimin dhe dëshirën për t’u rikthyer të shtetasve të sajë që i janë bashkuar grupit Shteti Islamik (ISIS), Franca, Gjermania dhe Britania e Madhe i japin më shumë prioritet qasjeve policore dhe juridike, duke pranuar njëkohësisht se shpesh herë veprojnë rast pas rasti.
Drejtpërdrejtë, nëpërmjet intervistave në media, ose në mënyrë indirekte, nëpërmjet thirrjeve nga familjet e tyre, evropianët e kapur në Siri apo Irak pas humbjeve ushtarake të ISIS-it kanë kërkuar kohët e fundit të kthehen në vendet e tyre.
Sipas shërbimeve sekrete gjermane, 950 gjermanë i janë bashkuar ISIS-it që prej vitit 2011, ku rreth një e treta janë rikthyer ndërsa 150 janë vrarë.
“Ne e konsiderojmë si të rrezikshme rikthimin në Gjermani të fëmijëve të xhihadistëve të indoktrinuar në një zonë lufte, ky rrezik duhet të merret parasysh”, deklaroi shefi i shërbimeve sekrete gjermane, Hans Georg Massen shkruan ATA.
Sipas qeverisë franceze, rreth 1 700 franceze i janë bashkuar ISIS-it në Irak dhe Siri duke filluar nga viti 2014. Në këtë sasi, 278 kanë vdekur dhe 302 janë rikthyer në Francë (244 të rritur dhe 58 minorenë).
Në Britani të Madhe, që numri i personave të rikthyer është rreth 425, sipas një raporti të fundit të qendrës studimore “Soufan Center” dhe synimi i autoriteteve është që t’i gjykojë në mënyrë që të mbeten të burgosur për një kohë të gjatë, deklaroi javën e kaluar Mark Rowley, drejtori kombëtar i policisë kundër terrorizmit.
Ndërsa për ministri britanik të Mbrojtjes, Michael Fallon, “fakti që i jeni bashkuar ISIS-it ju ka bërë një shënjestër legjitime, që rrezikon që në çdo orë të çdo dite të gjendeni nën shënjestrën e një rakete të Royal Air Force apo SHBA-së”./a.m.
