Pagat konsiderohen si sektori me informalitet më të lartë.
Kjo u dallua qartë edhe në listën e pagave që rrodhi në publik ku profesione si inxhinierë, drejtues teknikë, administratorë etj deklaroheshin me paga minimale.
‘Është pakësuar disi për shkak edhe të presionit të qeverisë, por që nuk mendoj se është zhdukur si fenomen detyrimi për të kthyer në kesh një pjesë të parave që është hedhur në llogaritë individuale që për mendimin tim është kriminale si sjellje’ u shpreh Zef Preçi, ekspert ekonomie.
‘Informaliteti kërcet ulëret problemi është masat me të cilat duhet të ballafaqohen’, u shpreh deputeti Erion Braçe.
Ajo çka është absurde në këtë histori është fakti se edhe ndërmarrjet shtetërore rezultojnë se nuk kanë paguar sigurimet shoqërore dhe shëndetësore të punonjësve.
Kjo ka ndodhur rëndom në shoqëri si ujësjellësat apo ndërmarrje të tjera publike të cilat do t’ i ilustrojmë konkretisht.
