Policia italiane njoftoi sot arrestimin e 24 personave, duke përfshirë edhe një deputet në kuadër të një hetimi për evazion fiskal dhe për korrupsion në Romë.
“Të paktën 12 persona u arrestuan, disa persona të tjerë janë në arrest shtëpie ndërsa pesë persona të tjerë të përfshirë në hetim janë pezulluar nga ushtrimi i profesionit”, sqaroi policia financiare (GDF) në një deklaratë.
Përveç kësaj u konfiskuan edhe pasuritë e tyre me vlerë 1,2 milionë euro (llogari bankare, pasuri të patundshme dhe asete), shtoi GDF-ja, duke mos bërë të njohur identitetin e deputetit të implikuar në këtë aferë, duke u kufizuar me deklaratën se ky person ishte avokat.
Referuar të përditshmes së kryeqytetit, Il Messagero bëhet fjalë për një deputet të Qendrës së Re të Djathtë (NCD), një grupim i vogël politik aleat me Partinë Demokratike (PD) në qeverinë e Matteo Renzi. (java / r.a)
