Më shumë se 7 000 civilë shpëtuan nga Falluxha këto ditë duke përdorur një koridor sigurie dhe një i dytë është duke u përgatitur, njoftoi dje në mbrëmje koordinatorja humanitare e OKB-së për Irakun, Lise Grande.
Ajo theksoi se “tetë kampe që janë instaluar jashtë Falluxhas për të pritur civilët janë mbushur dhe se të tjerë duhet të ndërtohen”.
Ajo nuk saktësoi se kur pritet të hapet koridori i dytë nga ushtria.
Për sa i përket rreth 50 000 civilëve që vazhdojnë të jenë të bllokuar në qytet, ata vuajnë për mungesë ushqimi. (java / r.a)
