Pavarësisht entuziazmit dhe pritshmërive të mëdha, edhe këtë edicion të Eurovizion, Shqipëria duhet të mjaftohet vetëm me vendin e 17 me 34 pikë të grumbulluara. Edhe pse këngëtarja shqiptare Elhaida Dani nuk zhgënjeu në performancën e saj të këngës “I’m Alive” edhe këtë vit, sistemi i votimit ka penalizuar këngëtaren shqiptare.
Shqipëria nuk ka marrë vota nga Zvicra, Gjermania e Britania e Madhe, ku ka numër të madh të shqiptarëve. Maqedonia është shteti i vetëm që ia ka dhënë 12 pikë ndërsa dhjetë pikë i siguroi nga Mali i Zi.
Suksesin më të madh në Eurovision e mban Rona Nishliu me këngën “Suus” kur u pozicionua në pozitën e pestë.
Fqinjët kanë votuar për njëri-tjetrin, duke bërë që Shqipëria të mos marrë më shumë se 34 pikë të këtij edicioni. Por pavarësisht se renditja nuk është ajo që prisnim ose meritonte Elhaida, duhet thënë se ajo dha maksimumin për një paraqitje sa më dinjitoze në skenën evropiane të këngës.
