Numri i njerëzve të vrarë nga sulmet e kryera nga ekstremistët nëpër Evropë, është rritur shumë në vitin 2015 nga viti paraprak, ndërsa agjencia policore e Bashkimit Evropian, Europol, po paralajmëron se grupi terrorist i Shtetit Islamik (ISIS) mund të vë theksim më shumë në operacione jashtë territoreve ku operon, pasi aleanca ushtarake perëndimore është duke e vënë atë nën presion në Siri dhe Irak.
Raporti i Europolit i publikuar sot pasqyron një pikturë shqetësuese të një BE’je nga kërcënimet e ekstremit islamik të cilat ka pak mundësi të zmbrapsen tani për tani, shkruan AP, përcjell Express.
Europoli po ashtu paralajmëron se azil kërkuesit sirianë mund të jenë caku dhe mund të radikalizohen shpejt nga rekrutuesit e ISIS, përderisa një gjeneratë e re e luftëtarëve është duke u rritur në territoret e ISIS në Siri dhe Irak.
Raporti po ashtu paralajmëron se ISIS preferon sulmet kundër caqeve të buta sepse ato fusin në mendje më shumë frikë në opinionin publik.
