Banka Qendrore Evropiane (BQE) nuk ka për qëllim t’i japë fund menjëherë programit të saj të blerjes masive të borxhit që kishte për qëllim mbështetjen e ekonomisë në zonën euro, theksoi sot presidenti i BQE-së, Mario Draghi.
“Ky program ambicios i quajtur QE, nuk do të ndërpritet menjëherë”, premtoi Draghi para medias, pak çaste pasi njoftoi se institucioni moentar do të reduktojë me 50 për qind blerjet mujore të borxhit duke filluar nga muaji janar 2018 dhe deri në fund të shtatorit 2018.
Blerja e borxhit do të kalojë praktikisht nga 60 miliardë euro që është aktualisht në 30 miliardë euro.
Nga ana tjetër Draghi kishte njoftuar se Banka Qendrore Evropiane do të ruajë një nivel të lartë të mbështetjes për ekonominë e eurozonës, pavarësisht reduktimit të programit për riblerjen e borxhit./b.d