Komisioni Evropian i vendosur që shtetet anëtare të Unionit të respektojnë angazhimet e tyre në planin e akomodimit të refugjatëve, duke parashikuar muajin e ardhshëm nëse do të ishte e nevojshme, masa në formë sanksionesh kundër shteteve refuzuese, njoftoi sot një nga zëvendës-presidentët e tij.
«Mund të ndërmarrim një veprim të tillë, kemi të drejtë të nisim procedura në rast shkelje të ligjeve evropiane. Por pyes veten nëse ky hap do t’i vinte në ndihmë refugjatëve për një periudhe afatshkurtër », sqaroi Frans Timmermans, zëvendëspresidenti i parë i Komisionit, gjatë nje konference shtypi në Bruksel.
Ai u shpreh se parapëlqen një qasje pragmatike dhe politike.
« Raporti ynë i ardhshëm për përshpejtimin e programeve do të dalë në mars, momenti i duhur për të parashikuar alternativa të tjera nëse do të ishte e nevojshme », pohoi ai.
Komisioni theksoi edhe një herë sot mungesën reale të solidaritetit mes shteteve anëtare për risistemimin e refugjatëve të mbërritur në Greqi dhe në Itali./b.d
