Nesër pritet të mbërrijnë në Tiranë për të ndërmjetësuar zgjidhjen e krizës politike dy eurodeputetë. Konkretisht në Shqipëri mbërrijnë raporteri për Shqipërinë Knut Fleckenstein dhe zvkryetari i Komitetit të Jashtëm në PE David McAllister.
Ata njihen si njerëz të kancelares Anghela Merkel dhe pritet të japin mesazhet e forta në drejitm të opozitës për rikthimin në Parlament dhe për t’i dhënë fund protestës.
Takimet pritet të nisin në mesditë me përfaqësuesit e dy kampeve politike ndëkrohë priten bisedime të gjata dhe të vështira. Mësohet se dy eurodeputetët vijnë në Tiranë me propozime konkrete për zgjidhjen e krizës. Fillimisht ata pritet të takohen me Ramën dhe Metën së bashku, e më pas me kreun e opozitës Lulzim Basha raporton Java News.
Eurodeputetët pritet të dalin në një konferencë për mediat në orën 23.30 minuta, një orar i pazakontë nga zyrtarët e BE.
Nuk dihet ende se cilat do të jenë propozimet që do të vendosen në tavolinë nga ana e dy eurdeputetëve. McAllister, shihet si krahu u djathtë i Angela Merkel, partia e së cilës dërgoi një letër më herët ku i kërkonte opozitës t’i jepet fund bojkotit./Java/a.m.
