Ecuria e kursit të këmbimit valutor gjatë javës 04-10 janar 2020 shënoi një rritje progresive të lehtë të monedhës europiane në raport me lekun, duke u kuotuar në nivelin 122 lekë kundrejt vlerës 121.77 lekë që shënoi në 30 dhjetor 2019, me një pozicionim ndjeshëm më të zhvlerësuar nëse krahasohet me javën e parë të janarit 2019, ku arriti vlerën 123.55 lekë.
Sipas të dhënave të publikuara nga Banka e Shqipërisë, dollari amerikan reflektoi paqëndrueshmëri gjatë kësaj jave, me luhatje të ndjeshme rritëse dhe zbritëse duke u këmbyer në fund të javës me 109.97 lekë. Ndërsa në fund të vitit që sapo kaloi u këmbye me 108.82 lekë pothuajse sa ishte edhe në janar 2019 ku u këmbye me 108,02 lekë.
Paundi britanik ndërkaq pas një rritje të konsiderueshme në javën e parë të vitit 2020. Paundi u këmbye në mesin e kësaj jave me 144.13 lekë dhe u zhvlerësua në raport me lekun të premten në nivelin e 143.63 lekë. Ndërsa në fund të dhjetorit 2019 u këmbye me 142.72 lekë.
Edhe Franga zvicerane ka regjistruar vlerën e saj më të lartë prej 113.01 lekësh në mes javë por më pas ka pësuar një zbritje në fund të saj duke u këmbyer në fundjavë me 112.81 lekë, nivel pothuajse i përafërt sa në dhjetor 2019, ku shënoi 112.30 lekë.
