Një 46 vjeçar italian është arrestuar nga policia kufitare në Portin e Durrësit. Në pranga ka rënë shtetasi Otto Prinoth 46 vjeç, banues në Itali. Si[as policisë arrestimi i tij u krye pasi gjatë kontrollit në Pikën e Kalimit Kufirit Durrës në automjetin tip Ford me targa italiane EV451GH iu gjetën dhe u sekuestruan në cilësinë e provave materiale: një pistoletë TT model 54 kalibër 7.62mm pa krehër; 50 fishekë model 54 kalibër 7.62; një krëhër pistolete TT me 5 copë fishekë model 54, kalibër 7.62; 46 750 Euro kartomonedha,të cilat dyshohen të fallsifikuara dhe të padeklaruara në autoritetin doganor.
Materialet i kaluan Prokurorisë së Rrethit Gjyqsor Durrës për veprime të mëtejshme për veprën penale ”Trafikim i armëve dhe municioneve”, ”Fallsfikim të monedhave” dhe ”Mosdeklarim në kufi i të hollave dhe sendëve me vlerë”.
