Presidenti i Republikës, Bajram Begaj i ka uruar suksese Kombëtaren Shqiptare të Futbollit në “Euro 2024”.
Nëpërmjet një postimi në rrjete sociale, presidenti Begaj shkruan se të gjithë shqiptarët janë me djemtë e Kombëtares.
“Në nisjen e Kampionatit Europian të Futbollit, le t’i urojmë të gjithë së bashku ekipit tonë kombëtar: Suksese!
Të gjithë shqiptarët janë me ju!”, shkruan ai.
“Euro 2024” ngre siparin me ndeshjen Gjermani- Skoci.
Ndërkohë, ditën e nesërme, 15 qershor, djemtë e Kombëtares Shqiptare të Futbollit do të përballen me Italinë.
/a.r
