EULEX nuk ka dhënë detaje rreth vrasjes së Bedri Currit, 37- vjeç nga Korrëtica e Epërme e Drenasit, i cili u vra të enjten.
Vrasja e Currit i cili u varros orët e fundit mbetet ende një mister edhe për policinë e Kosovës. Ish luftëtari i UÇK-së të enjten rreth orës 18:15, u gjet i vrarë me një plumb në kokë në një mal në fshatin e tij, në afërsi të shkollës.
Në pyetjen që “Zëri” i ka dërguar EULEX-it rreth detajeve të kësaj vrasje por edhe rreth dyshimeve për lidhjen e vrasjes së Currit me faktin se ai ka qenë dëshmitarë i Gjykatës Speciale, ata nuk kanë dhënë ndonjë detaj.
“Eulex nuk mund të komentoj për identitetin e cilit do person i cili nuk ekziston në proceset gjyqësore në mënyrë të qartë”, ka thënë Besa Domi, zëdhënëse e këtij misioni në Kosovë duke shtuar. “Ndërkohë sa i përket pyetjes rreth dhomave të veçanta kontaktojeni zëdhënësin e tyre”, ka shtuar ajo.
Ndërkohë asgjë konkrete nuk ka dhënë as Policia e Kosovës në komunikatën e saj “përveç se trupi është gjetur pa shenja jete dhe se rasti është kualifikuar si vrasje”.
