Gjykata Speciale e Hagës e arrestoi kryetarin e Organizatës së Veteranëve të Luftës në Kosovë Hysni Gucatin sepse ka frikësuar dëshmitarët dhe është hakmarrë me qellim për të penguar drejtësinë.
Gjykata Speciale e Hagës për kryetarin e Organizatës së Veteranëve të Luftës në Kosovë, Hysni Gucati shënon se ai ka “penguar administrimin e drejtësisë” duke publikuar “informacione konfidenciale” të rrjedhura prej saj.
ZPS bëri publike edhe urdhër-arrestin ku thuhej se ai u bë pasi Gucati zhvilloi tre konferenca për shtyp, më 7, 16 dhe 22 shtator konferenca në të cilat ka bërë të njohur informacione konfidenciale që mund të dëmtojnë procese hetimore.
Qoftë Dhomat e Specializuara, qoftë dhe EULEX nuk përmendën deklaratat e tyre arrestimin e nënkryetarit të OVL-së, Nasim Haradinaj.
Gucati e Haradinaj u arrestuan të premten disa javë pasi Organizata e Veteranëve të Luftës mori disa dokumente të rrjedhura nga Gjykata Speciale. Gucati pati deklaruar në media se këto dokumente tregonin lidhje të Prokurorisë Speciale me Prokurorinë e Serbisë dhe pjesë të veçanta të tyre u bënë publike.
Pas arrestimit të tyre kanë reaguar edhe liderët kosovarë të cilët Presidenti i Kosovës, Hashim Thaçi, në një deklaratë për mediat theksoi se asnjë i pandehur potencial nuk do t’i shpëtojë drejtësisë dhe theksoi se aksionet e djeshme nuk kishin asnjë arsye për të ndodh në atë formë.
