Kryeministri Edi Rama komentoi sot në emisionin “Zonë e Lirë” protestën e zhvilluar në bulevardin “Dëshmorët e Kombit” kundër rritje së çmimit të energjisë dhe naftës. Lidhur me pankartën e aktorit të humorit Florian Binaj, kreu i qeverisë Rama tha se nuk e kishte ndjekur sepse ishte në protestë.
Sa i takon foto-montazhit ku ai paraqitej si Nusreti, Rama tha: “Mund të kishte vënë trupin e vet me kokën time, sepse trupin nuk e ka goditur”.
“Jam i hapur dhe i qetë përpara protestave. Protestat kanë qenë lajkmotiv që kanë shoqëruar rrugën time si kryeministër sepse i kam pasur rregullisht poshtë dritaresh”, tha ai teksa foli mbi protestën e radhës të paralajmëruar të hënën.
Ndërsa komentoi një pankartë ku shkruhej se: “Është rritur më shumë çmimi i bukës së hashashi”, Rama citoi një raport konfidencial sipas të cilit çmimi i kanabisit është rritur sepse nuk ka më prodhim.
“Pankarta e hashashit. Ka një rritje katastrofike të cmimit (të hashashit) se ska prodhim. E kam parë në një nga raportet, sepse ka kaq kohë që nuk ka as kapje nga policia italiane, sepse ka rënie drastike të kultivimit. Ky është shumë lajm i mirë sa më takon mua. Është raport konfidencial. Flasim për shit-blerjen në tregun ndërkombëtar, jo për në Shqipëri. Në tregun e zi ndërkombëtar cmimi ka shkuar në stratosferë. Flasim për furnizmin nga tregu i Shqipërisë. Kemi ardhur të flasim për cmimin e enrgjisë apo hashashit?!”, tha Rama.
g.kosovari
