Wanda Nara, partnerja e sulmuesit të PSG , Mauro Icardi në një intervistë të sajën për mediat italiane nuk ka ngurruar që të diskutojë edhe për jetën intime mes çiftit.
Në një intervistën e saj për revistën “La Republica Delle Donne”, e dashura e golashënuesit të PSG tha se ka bërë shumë sakrifica për të shoqin dhe njëra prej tyre ka qënë edhe jeta intime.
“Unë e provokoja, por Mauro është shumë profesionist dhe para se të luajë ai nuk bën asgjë. Vetëm pas përfundimit dhe me kushtin që ndeshja ka shkuar mirë. Nëse humbasin as që nuk m’i hedh sytë”, deklaroi Nara.
Icardi dhe Nara u lidhën pasi modelja u nda nga ish-shoku i skuadrës së 26-vjeçarit, kur luante te Sampdoria, Maxi Lopez. Ajo u martua me Icardi-n vetëm pesë muaj pas ndarjes me Lopez në 2013-n. Ajo ka 3 djem nga lidhja e parë, ndërsa nga martesa me Icardi-n ka 2 vajza.
Ajo gjithashtu komentoi lëvizjen e sulmuesit argjentinas nga Interi te PSG duke thënë vendimi që u mor ishte në të mirën e të gjithëve.
