Prej disa javëve tashmë përflitet se marrëdhënia bashkëshortore e Adrola Dushit – një prej më të bukurave shqiptare dhe burrit të saj Adis Patushi është në krizë.
Një arsye që i shtoi zërat për një ndarje të mundshme ishte edhe vendimi i Adrolës për t’u shpërngulur drejt Shteteve të Bashkuara të Amerikës së bashku me djalin e saj Troi, me justifikimin se atje mund të vazhdonte karrierën e saj si modele.
E ndërsa shumë mendonin se në lidhjen e saj diçka ishte thyer, ja ku vjen një koment i Adisit, në një foto të Adrolës.
Në postimin e fundit të saj në Instagram, krahas komplimenteve të marra nga ndjekësit e tjerë, ka shkruajtur edhe bashkëshorti i bukuroshes, koment i cili i vë në dyshim të gjithë zërat e ndarjes.
“Femra më e bukur në planet!” – shkruan Adisi.
Të jetë kthyer gjithçka si më parë, apo fjalët për krizën në çift kanë qenë vetëm thashetheme? /Blitz.al/
