Shitësja e një dyqani fruta perimesh ka rrëfyer e tronditur ngjarjen e ndodhur pak minuta më parë, ku një 50 vjecar mbeti i plagosur me armë zjarri.
Ajo thotë se njihet prej vitesh me të plagosurin Dashamir Mucën, i plagosuri i cili u transportua menjëherë në spital pas plagëve të marra.
“Është njeri shumë i mirë, uroj vetëm që të jetë mirë. Ai është me tre fëmijë gjynah nga zoti, të jetë mirë. Gjërat sqarohen si do të jetë puna. Unë e njoh për njeri të mirë. Nuk dëgjova asgjë se merresha me klientët brenda, vetëm krisma,” -tregon ajo, ndërsa sa i përket konfliktit me autorin, Altin Nika, që çoi më pas në përdorim e armës, gruaja thotë se nuk ka dëgjuar gjë përveç krismave.
“Vetëm krisma dëgjuam, nuk dola nga frika. Autorin nuk e njoh, nuk pash asgjë. Kam një jetë të tërë këtu e njoh për njeri të mirë.” u shpreh më tej ajo.
Ngjarja u shënua mesditën e sotme, ku burime zyrtare të policisë thanë se pas një konflikti të castit 52 vjecari Altin Nika, i shpallur tashmë në kërkim, qëlloi me armë në drejtim të 50 vjeçarit Dashamir Muça./m.j
