“Do ta vras, nuk duhet ta kishe lejuar”, “Do të ma paguajë, të betohem”, “Është i vdekur”, “Do ta vras”; janë disa nga mesazhet që Igli Meta i ka dërguar të dashurës së tij, Ambera Saliji.
Igli, i cili ka pranuar se ka vrarë Ismail Lulin vazhdimisht i ka dërguar mesazhe telefonike të dashurës së tij duke e kërcënuar se do të vriste 17-vjeçarin.
Kjo pasi ai dyshonte se Ambera Saliji kishte pasur marrëdhënie me Lulin. Vetë Ambera së fundmi ka pranuar se i ka treguar Iglit se e kishte tradhtuar me Ismailin
Këto argumente kanë çuar prokurorët drejt një akuze për vrasje me paramendim. Më shumë dritë mbi këtë ngjarje pritet të hidhet nesër kur në gjyq do të thirret për të dëshmuar vetë 19-vjeçarja nga Maqedonia.
Por, prokurorët thonë se kanë mjaftueshëm prova për të vërtetuar se vrasjen Meta e kishte përgatitur prej ditësh.
Ende nuk dihet se cili do të jetë qëndrimi që do të mbajë Ambera para gjykatës pasi deri tani ajo është treguar shumë e rezervuar duke dhënë vetëm pak detaje.
“Nuk mund ta imagjinoja një gjë të tillë. Mendoja se Igli po bënte shaka. Ai kurrë nuk ka lënduar dikë”, është shprehur 19-vjeçarja.
Ka dyshime se në vrasjen e 17-vjeçarit Ismail Luli të jenë përfshirë dhe persona të tjerë përveç Igli Metës dhe Marjo Memës duke u nisur nga mënyra se si është futur në kurth.
Prokuroria gjithashtu ka të dhëna se Igli dhe Marjo e kanë kërcënuar 17-vjeçarin se do ta djegin në momentin që e kanë lidhur në kryq.
