Kryeministri Edi Rama, ka kërkuar rikthim të emigrantëve shqiptarë, pasi sipas tij tregu ka në rritje kërkesën për njerëz të kualifikuar.
Në podakstin e tij “Flasim”, Rama u shpreh se “është çmenduri të rrish në Greqi”, teksa shtoi se “kërkesa është shumë e madhe për njerëz të kualifikuar dhe rroga super”.
Kreu i qeverisë u shpreh se po punohet për hapjen e një “dritare” në fushën e ndërtimit dhe turizmit, për të dhënë oferta konkrete në treg.
“Po përgatitemi të hapim një dritare për ata që janë në emigracion në fushën e ndërtimit dhe turizmit.
Është çmenduri të rrish në ndërtim në Greqi, dhe të mos vish këtu kur kërkesa është shumë e madhe për njerëz të kualifikuar dhe paga është super. Dhe me këtë dritare do ta hapim në Athinë Milano, Gjermani patjetër për ti dhënë oferta konkrete të tregut, psh. bari ka nevojë për një person dhe kjo është kontrata, do të shikojmë se si do të ecë”, u shpreh Rama.
/a.r
