Emri i Klement Balilajt, drejtorit të transporteve të Sarandës, është bërë sot objekt akuzash dhe kundërakuzash mes opozitës dhe policisë së shtetit. Pas reagimit të Policisë, se aktualisht ajo po bashkëpunon me palën greke në hetimin për trafikun e drogës ku mendohet të jetë i përfshirë Balilaj, ka ardhur një reagim i dytë i selisë blu.
PD thotë se Tahiri po mbron trafikantin e vet të drogës, i cili është në kërkim nga pala greke, por aktualisht, rri i pashqetësuar në zyrën e drejtorit të transporteve në Sarandë. Pas kësaj ka reaguar vetë Ministri Tahiri në rrjetin social, duke shkruar se makutëria e Shqup-it nuk njeh kufinj.
“Mbrojtja që Saimir Tahiri dhe drejtues të Policisë së Shtetit i bëjnë Klement Balilaj, i dyshuari si një nga krerët e organizatës kriminale të trafikut ndërkombëtar të lëndëve narkotike, u faktua sot ndërsa Balilaj bën shoë mediatik nga zyrat publike të drejtorisë së Transportit në Sarandë, ndërkohë që është shpallur në kërkim nga policia greke. Të njëjtën gjë pohon edhe seksioni grek i CNN në lajmin me titull: “Mbrojtje politike për baronin e kartelit të Ballkanit”, ku i referohet një takim dypalësh mes policisë greke dhe asaj shqiptare. Përfaqësuesit e policisë shqiptare, siç raporton CNN janë dorëzuar duke thënë se “në Shqipëri nuk mund ta prekim sepse ky person ka lidhje me parti politike dhe kontakte me politikanë të nivelit të lartë”.- shkruan deklarata e PD.
Postimi i Tahirit:
Sipas PD, vete ne, Policia e Shtetit & DEA e SHBA & Policia Greke po heton me sukses nje grup kriminal te lidhur po me ne, me mua dhe drejtuesit e policise.
Ne SHQUP nuk ka kufi as mediokriteti e as makuteria politike per te sulmuar çdo rezultat te policise.
Vertete kaq naiv i konsiderojne shqiptaret???
Akuzave të PD i eshte kunderpergjigjur me heret dhe vete Balilaj, duke i cilesuar si shpifje politike. Ai ka theksuar se do ta hedhe ne gjyq PD.
javanews/ a.k
