Në studion e Open në Top Channel tema e diskutimit këtë të enjte në mbrëmje ishte vizita e Escobar dhe kriza në PD me të ftuarit Andi Bushati, Agjron Gjerkmarkaj, Arben Ristani dhe Ervin Salianji.
Që në pyetjen e parë të gazetares Eni Vasili, nëse ishte mbështetje për Bashën një vizitë e tillë e zëvendëndihmës sekretarit amerikan të shtetit, që njëkohësisht është edhe i deleguari i Posaçëm për Ballkanin Perëndimor, Ristani e konsideroi si një vizitë normale në kuadër të një turi ballkanik.
Sipas tij mesazhet nuk kishin asnjë ndryshim nga zyrtarë të tjerë, duke pohuar se nuk e shihte si mbështetje për Bashën. Por ky qëndrim i tillë hasi në kundërshtimin e menjëhershëm të Salianjit, që përmes mesazheve të koduara, ai kishte kuptuar një mbështetje të fortë për Bashën, duke vënë në dukej, sipas tij edhe një bashkëpunim me autoritetin legjitim të PD.
Salianji shtoi se në deklaratën e Escobar u vu në dukje qartësisht prej tij bashkëpunimi me persona non grata dhe se orientimi është për Bashën. Madje, duke iu referuar kohës, Salianji tha se vizita erdhi në një kohë, kur një ditë më parë pati një deklaratë nga Departamenti i Thesarit për sanksione ekonomike.
Ndërsa Agron Gjerkmarkaj pohoi se ishte mbështetje e qartë e Bashës dhe ambasadores Yuri Kim. Gjermarkaj tha se ftesa për në Uashington ishte qartazi një mbështetje e hapur për kryedemokratin.
/b.h
