Këto janë pamjet e bregdetit të Kunës në Shëngjin pas stuhive detare të javëve të fundit. Disa pisha dhjetëra vjeçare janë rrëzuar e të tjera janë gati të bien.
Erozioni detar në këtë zonë turistike është thelluar edhe më shumë, duke sjellë disa herë dhe bashkim të detit me lagunën.
Pas ndërtimit të skalierës në anën jugore të grykëderdhjes së Lumit Drin erozioni është bërë më agresiv në bregdetin e Kunës.
Në këto kushte Jak Gjini, ekspert i mjedisit thonë se Laguna e Kunës po shkon në shpërbërje dhe ekosistemi nuk i kryen më shërbimet që i ka nga natyra.
Alarmi për erozionin detar në zonën e Kune-Vainit në Shëngjin është dhënë prej vitesh.
Bashkia Lezhë bën me dije se ndërhyrje të tilla kërkojnë fonde të mëdha dhe në këto kushte shqetësimi ju është përcjellë institucioneve qendrore për të marra masa.
