‘Madama Butterfly’ do të shfaqet në kuadër të edicionit të tretë të Javës së Operës në Royal Teatro në Madrid të Spanjës, shkruan KultPlus.
Sopranoja e njohur shqiptare Ermonela Jaho, e cila interpretoi rolin e Cio-Cio-San në shfaqjen ‘Madama Butterfly’ nëpër vende të ndryshme të botës, tashmë një interpretim të radhës do ta ketë me datën 30 qershor në Spanjë, shkruan KultPlus.
Për këtë gjë ka njoftuar vetë sopranoja Jaho, nëpërmjet rrjetit social Facebook, ku poashtu ka treguar se kjo shfaqje e 30 qershorit do të transmetohet direkt edhe në 200 qytete në gjithë Spanjën.
“Shfaqja e Madama Butterfly e dates 30 Qershor do te transmetohet direkt ne ora 21:30 ne 200 qytete ne gjithe Spanjen dhe tre ekrane te medhenj ne sheshin Plaza de Oriente te Madrid-it…”, ka shkruar Jaho.
‘Madama Butterfly’ do të shfaqet në kuadër të edicionit të tretë të Javës së Operës në Royal Teatro në Madrid të Spanjës. (b.an)
