“Çdo gjë në në përputhje me ligjin”, thonë organizatorët
Mbrëmjen e djeshme është zhvilluar nata e parë e Festivalit të këngës italiane, Sanremo, ku kanë marrë pjesë emra të mëdhenj të muzikës italiane dhe jo vetëm. Mes këngëtarëve që kanë marrë pjesë ishte edhe këngëtari shqiptar, Ermal Meta.
Ermal Meta dhe Fabrizio Moro sollën në garën e edicionit të 68-të të Festivalit të Sanremos këngën “Nuk më keni bërë asgjë”.
Dyshja e shumëvlerësuar dhe favorite është gjendur në mesin e një stuhie mediatike për shkak se kënga e tyre, “Non mi avete fatto niente” ka ngjashmëri të mëdha me “Silenzio”-n e prezantuar në “Sanremo Giovani” të vitit 2016, nën interpretimin e Ambra Calvani e Gabriele De Pascali.
Por pas stuhisë mediatike, kanë reagur edhe organizuesit e festivalit, të cilët thonë se nuk ka rrezik për përjashtim nga gara të dy këngëtarëve. Sipas tyrë nuk kemi të bëjmë me plagjiturë.
Autori i dy këngëve është i njëjti e sipas rregullores ka të drejtë të përdorë deri në 30 % të këngëve të tjera, e kënga “Nuk më keni bërë asgjë” i ka të gjitha të dhënat për të qenë një këngë e re . Pra nuk është një plagjiaturë.”
Mbyllet kështu polemika e nisur mbrëmë menjëherë pas mbarimit të natës së parë të Sanremo 2018 kur kënga e kantautorit shqiptar u akuzua si një plagjiaturë e një kënge të prezantuar më kategorinë e të rinjve në Sanremon e 2016.
Kënga “Nuk më keni bërë asgjë” konsiderohet të jetë një nga këngët pretendente për të fituar çmimin e parë.
Kritika e media i kanë dhënë një vlerësim të lartë e gjatë natës së parë juria popullor e ka renditur mes këngëve më të vlerësuara.
