Avokati Idajet Beqiri i ftuar në studion e ‘Real Story’ publikoi të tjera fakte dhe detaje lidhur me gjyqtarët që po hetojnë çështjen Veliaj.
Beqiri publikoi një dokument në të cilin gjyqtari Erjon Bani ka shpallur të pafajshëm një person të akuzuar për vrasje dhe për armëmbajtje pa leje i cili më pas u burgos me 18 vite burg nga Gjykata e Apelit në Shkodër.
“Gjyqtari Erjon Bani po rri kot në dhomë sepse vendimi është marrë për çështjen Veliaj. Ky gjyqtar që kaloi dhe Vetingun nuk e kuptoj sesi kaloi vetingu dhe se si Këshilli i Lartë Gjyqësor e la të kalonte. Sepse vetëm me një vendim gjyqësor ishte i përjashtuar dhe njerëz të tillë nuk duhet të futen në drejtësi.
Në 2016 ka dhënë vendimin numër 262, ku është i përfshië një person që akuzohet për vrasje dhe armëmbajtje pa leje i cili ka xhaxhain deputet. Ai ka bërë një vendim gjyqësor, 139 faqe vendim. Ky vendim është vetëm 5 faqe sepse kur do të fshehësh një krim i shton faqet. Familjarët bën ankimimin, gjykata e Apelit në Shkodër nga pafajësia e kaloi në 18 vite burg. Çfarë besimi kam tek ty që mund të japësh vendime të drejta. “
