Kryetari i Bashkisë së Ersekës, Erion Isai, është marrë zyrtarisht i pandehur nga SPAK për çështje që lidhen me abuzime në tendera dhe zbatimin e projekteve publike.
Gazetarja Klodiana Lala, e ftuar në emisionin “Të Paekspozuarit” në MCN TV, zbuloi se Isai akuzohet në lidhje me projektin e rrugës Korçë–Ersekë, e cila është shembur disa herë dhe ka pasur probleme me rritjen e kostove gjatë fazave të zbatimit.
Ajo shtoi se prokuroria ka në dorë biseda të përgjuara mes drejtuesve të institucioneve dhe vartësve të tyre, që dyshohet se provojnë ndërhyrje në prokurimet publike dhe devijime nga procedurat ligjore.
Është një kallëzim për rrugën Korçë-Ersekë, sepse kjo rrugë është shembur disa herë dhe ka patur probleme me rritjen e kostove.
Zoti Isai akuzohet për veprën penale të “shkeljes së barazisë në tendera” dhe janë marrë të pandehur edhe 7 zyrtarë të tjerë dhe një përfaqësues i kompanisë që ka fituar tenderin. Njëra ka të bëjë me rrugën Korçë-Ersekë në favor të kompanisë fituese dhe tjetra ka të bëjë me ndërtimin e një ujësjellësi në zonën e Korçës. Isai është marrë i pandehur dhe i është komunikuar akuza bashkë me personat e tjerë. Pjesa tjetër për shpërdorimin e detytës, falsifikimin e dokumenteve dhe të korrupsionit, janë veçuar dhe hetimi për këtë pjesë është duke vijuar.
Aty ka edhe komunikime. Në momentin që zoti Isai është marrë në pyetje dhe janë marrë celularët e vartësve dhe të anëtarëve të komisionit të vlerësimit të ofertave, zonja që është vartëse komunikon se si plotësohen dokumentet dhe kur janë analizuar me procedurat tenderuese, sipas prokurorëve ka shkelje.
