Presidenti turk, Recep Tayyip Erdogan, deklaroi sot se Turqia ka për detyrë të çrrënjosë grupin Shteti Islamik (ISIS) nga Siria dhe ta neutralziojë nga tokat e saj, në një fjalim në televizion.
“Ne kemi detyrën kundrejt qytetarëve tanë të çrrënjosim organizatën ISIS në Siri dhe neutralizojmë nga tokat tona në Turqi”, deklaroi Erdogan në një mesazh për festën e sakrificës që festohet të hënën.
“Operacioni Mburojë e Eufratit është vetë etapa e parë e këtij projekti”, paralajmëroi ai.
Pasi u akuzua për një kohë të gjatë për pasivitet përballë kërcënimit xhihadist, Ankaraja filloi më 24 gusht një ofensivë ambicioze në veri të Sirisë, duke dërguar tanket dhe forcat e saj speciale për të mbështetur rebelët e opozitës për të larguar ISIS-in nga kufiri turko-sirian./a.k
