Turqia e Erdoganit ngre pretendimet duke kërkuar më shumë se 3 miliardë euro nga BE për menaxhimin e krizës së refugjatëve.
Erdogan ka rritur kërkesat duke vënë në lojë Europën.
“Ajo nuk është një krizë e Turqisë, por e Europës, ndaj Europa duhet të paguajë për të”, ka thënë kryeministri turk Davutoglu.
“Turqia është vendi më i goditur nga ardhja e refugjatëve. Kjo nuk është kriza jonë, por e Europës dhe është e drejtë që Europa të paguajë çmimin. Turqia ka 2,5 mln refugjatë sirianë dhe 300 mijë irakenë. Kemi shpenzuar 10 miliardë për mbajtjen e tyre. 3 miliardët e ofruar nga BE nuk mjaftojnë”, tha Davutoglu.
Ai shtoi se askush nuk e di se sa mund të zgjasë kjo krizë ndaj kostoja që Turqia duhet të përballojë mund të vazhdojë të rritet.
