Turqia ka përfunduar operacionin për të tërhequr të gjithë trupat dhe civilët e saj nga Afganistani, njoftoi sonte presidenti turk Rexhep Tajip Erdogan.
“Ne bëmë atë për të cilën ishim përgjegjës dhe që nga sonte, i gjithë stafi ynë është larguar”, tha Erdogan, i cili është në një vizitë zyrtare në Sarajevë. ” Vetëm një ekip i vogël teknik do të mbetet”, shtoi ai.
Presidenti turk vuri në dukje se nuk është e qartë çfarë lloj konflikti do të kenë talebanët me shtetin në Afganistan. ” Ajo që është e qartë është se kjo është një betejë midis organizatave terroriste, “ shtoi ai.
Në një deklaratë ministria e Mbrojtjes falënderoi ushtarët turq që përfunduan detyrën e tyre në vendin e shkatërruar nga lufta, si pjesë e misionit të NATO-s.
“Evakuimi i personelit heroik të Forcave të Armatosura Turke, të cilët kanë përfunduar me sukses detyrat e tyre në Afganistan pas 20 vjetësh, ka përfunduar,” tha ministria dhe shtoi: “Ne mirëpresim ushtarët tanë që janë kthyer në atdheun e tyre.”
Turqia ishte përgjegjëse për sigurimin e aeroportit të Kabulit nën vendosjen e NATO -s dhe është përfshirë në përpjekjet e evakuimit gjatë dy javëve të fundit.
g.kosovari
