Presidenti i Turqisë, Recep Tayyip Erdogan, i ka thënë homologut të tij rus, Vladimir Putin, se vendi i tij mund të luajë një rol lehtësues në lidhje me centralin bërthamor të Zaporizhzhia në Ukrainë, sipas zyrës së tij.
Dyshja folën në një telefonatë ku diskutuan zhvillimet në lidhje me eksportet e grurit të Ukrainës, tha presidenca turke në një deklaratë.
Ata shprehën gjithashtu vendosmërinë e tyre për të vazhduar ndërtimin e centralit bërthamor Akkuyu në Turqi sipas planeve, raporton The Guardian.
Ata ranë dakord të diskutojnë çështjet në detaje kur të takohen në Samarkand, Uzbekistan, për një samit më vonë këtë muaj, shtoi më tej zyra e Erdogan.
/a.r
