Presidenti turk, Recep Tayyip Erdogan e cilësoi si “çnjerëzore” dhe “në kundërshtim me islamin” sanksionet e vendosura ndaj Doha-s nga fqinjët e Gjirit, duke shtuar se do të takohej me liderët e Francës dhe të Katarit.
“Të përpiqesh të izolosh një vend në të gjitha fushat është çnjerëzore, në kundërshtim me vlerat e islamit”, deklaroi Erdogan gjatë një fjalimi të transmetuar në televizion. Katari është një shtet kundër së cilit dënimi me vdekje është shpallur në një farë mënyre”, denoncoi ai.
“Sot do të zhvillojmë një bisedë në formën e videokonferencës me presidentin e Francës (Emmanuel Macron) dhe emirit të Katarit (sheiku Tamim ben Hamad Al-Thani)”, shtoi Erdogan.
Pak më parë, kreu i diplomacisë turke, Mevlüt Cavusoglu deklaroi se Erdogan se do të diskutonte për çështjen e Katarit me presidentin amerikan, Donald Trump në ditët në vijim./b.d
