Prokuroria për Krime të Rënda ka kërkuar dënimin me 15 vjet burg për shtetasin kolumbian Cesar Augusto Pelaez Triana, i akuzuar për veprën penale të “trafikimit të lëndëve narkotike”, kryer në bashkëpunim.
Në një njoftim për shtyp, PKR kujton se, ky shtetas është arrestuar me iniciativë të policisë gjyqësore të Rinasit, më 10 qershor 2014, pasi dyshohej se kishte lidhje me një ngarkesë prej rreth 246 kilogramë lëndë narkotike të llojit kokainë në portin e Barit, në Malin e Zi.
“Në bazë të hetimit u arrit të provohej se shtetasi Triana kishte ardhur në Shqipëri për të marrë 600 mijë deri në 1 milion euro për llogari të dy shtetasve kolumbianë, të cilët po kryenin trafikimin e rreth 250 kg kokainë nga Amerika Latine në drejtim të Shqipërisë”, thuhet në njoftim.
Sipas dokumentit, “ky trafik po realizohej me konteinerë të mbushur me fruta ekzotike, të porositura në Ekuador nga kompania fierake “RR. Company””. “Si shpërblim për punën e kryer, i pandehuri do të merrte shumën prej 200.000 eurosh”, saktësohet në njoftim.
/ Top Channel
