Fidel Castro dhe Enver Hoxha ishin sundues të dy vendeve të vogla të izoluara nga bota dhe armiq të shpallur të imperializmit amerikan. Por, pavarësisht armikut të përbashkët, Enveri nuk ka pasur simpati për Fidelin.
Në një dokument të siguruar nga Instituti Wilson, gjatë një takimi me ambasadorin e Republikës Demokratike Popullore të Koresë, An Yong, në vitin 1968, Hoxha e quante udhëheqësin kuban një “aventurier”.
“Fidel Kastro le të bërtasë me sa ka në kokë. Ai nuk është marksist, ai është një aventurier, jo vetëm për faktin që ka folur kundër Kinës, por edhe për faktin që është anarkist dhe kjo shihet në çdo veprim që ai ndërmerr në ekonomi”, shprehej Hoxha në atë kohë.
BW/d.i.
