Ministri i Punëve të Jashtme, Enver Hoxhaj ka dënuar ashpër sulmin ndaj autobusit me udhëtarë nga Kosova që ndodhi sot teksa autobusi po kalonte nëpër Serbi.
Hoxhaj ka thënë se këto sulme janë bërë sistematike dhe askush nuk po dënohet për to.
“Dënoj ashpër sulmet vandale ndaj qytetarëve të Kosovës që po udhëtonin nëpër Serbi. Këto sulme janë bërë sistematike dhe askush nuk po dënohet për to”, ka shkruar Hoxhaj në Twitter.
Përderisa autobusi i linjës Vjenë-Prishtinë po kalonte në Krushevac të Serbisë ishte sulmuar nga disa persona të panjohur, citohet ”Express”. (b.an)
