Sot çmimi i energjisë që paguan çdo konsumator familjar ose konsumatorët e tjerë tariforë është i integruar dhe subvencioni shtetëror shkon për blerjen e energjisë nga hidrocentralet e vegjël të dhëna me koncesion ose që janë privatizuar.
Kjo është një skemë për nxitjen e investimeve në sektor, ku shteti garantonte prodhuesit e vegjël për blerjen e energjisë, me një çmim më të lartë se importi ose se bursa.
Me ligjin e ri për energjinë e rinovueshme subvencioni do të shpërndahet edhe tek konsumatorët jo tariforë siç janë bizneset e mëdha, dhe nga janari i 2017 edhe bizneset që do të dalin nga furnizimi i OSHEE-së.
Do të jetë një mekanizëm i vendosur nga ERE që do caktojë mënyrën e shpërndarjes së kontributit, mbi bazën e sasisë së energjisë që konsumatori harxhon në muaj shkruan ATA.
Deri më tani, OSHEE është e detyruar ta blejë energjinë nga 87 shoqëri me 122 hidrocentrale, ndërkohë që pritet të shtohen edhe kontrata të reja koncesionare./a.m.
