Enti Rregullator i Energjisë (ERE) dha tre licenca në tregtimin e energjisë dhe një tjetër në furnizim gjatë këtij janari.
Përditësimet e bëra nga vetë ky institucion në regjistrin e licencave reflekton se dinamikat në sektorin e energjisë mbeten të shpejta, teksa kjo vjen në kushtet kur tashmë nga janari disa mijëra biznese të lidhur në tension 10 kv janë në tregun e lirë.
Konkretisht kompanitë “DESLA” sh.p.k, “Sunny Side Energy” sh.p.k dhe morën licenca tregtimi, kurse “MET Albania” sh.a një tregtimi dhe një furnizimi. Në total, në tregun e energjisë janë aktive sot 123 licenca tregtimi ku bëjnë pjesë subjekte të ndryshme, të cilat janë edhe prodhues ose vetëm tregtues, teksa në furnizim janë 37 licenca.
Plotësimi i të gjithë hallkave të sektorit të energjisë përfshirë këtu me bursën vjen si pjesë e reformës së gjithë sektorit që tashmë ka avancuar në disa faza edhe sa i takon liberalizimit të tregut.
Teksa në fazën e parë dolën në treg të lirë subjektet e lidhur në 35 kilovolt të cilët ishin disa dhjetëra faza e dytë që përfshiu subjektet në tension 20 kilovolt dhe ajo më e fundit që nisi nga 1 janari me bizneset në 10 kilovolt përfshijnë disa mijëra biznese.
Prej 1 janarit 2025 të paktën 2600 subjekte janë shkëputur nga furnizuesi i mundësisë së fundit për të siguruar të vetëm energjinë ku pjesa më e madhe e tyre furnizohen nga Furnizuesi ik Tregut të Lirë me një çmim fiks prej 18.34 lekë.
Përveç FTL subjektet kanë mundësinë që të lidhin kontratë me këdo furnizues që u ofron çmim më të leverdishëm diçka që Enti Rregullator i Energjisë e vuri në dukje në fillim të këtij viti.
Në funksion të kësaj Enti ka krijuar edhe një platformë të krahasimit të çmimeve për të gjetur ofertën më të leverdishme për subjektet në tregun e lirë./N.Maho
