Zëvendëskryeministrja, njëherësh Ministrja e Infrastrukturës dhe Energjisë, Belinda Balluku mori pjesë në takimin e nivelit të lartë politik në Kombet e Bashkuara me fokus objektivat e Zhvillimit të Qëndrueshëm në New York.
Në një prononcim për mediat nga New York, Balluku thotë se Qeveria Shqiptare ka vendsur që targeti për Shqipërinë në axhendën 2030 të jetë 54,4% energji e rinovueshme.
Belinda Balluku: Është zhvilluar takimi i nivelit të lartë poltik përsa i përket objektivave të zhvillimit të qëndrueshëm. Një takim, i cili parapërgatit atë që do të ndodhë në samitin e Shtatorit. Të gjitha vendet do të ulen për të folur për një udhërrëfyer që do të shërbejë për të ardhmen dhe për të arritur të gjitha targetet e vendosura në axhendën e vitit 20230. Qeveria Shqiptare dhe Parlamenti shqiptar kanë kohë që angazhohen për këte axhendë dhe jemi të sigurtë që do të arrijmë shumë prej këtyre targeteve, siç është rasti i targetit të energjisë së rinovueshme. Gjatë vitit të kaluar, ne kemi përdorur 42% energji të rinovueshme në shkallë vendi dhe targeti i vitit 2030 është 45% duke e bërë kështu Shqipërinë shumë afër këtij targeti që kemi sot. Prandej kemi vendosur që targeti për Shqipërinë në axhendën 2030 të jetë targeti 54,4%, duke e bërë vendin tonë si një nga shembujt më të mirë për t’u marrë jo vetëm për Ballkanin, por edhe për Evropën.
/a.r
