‘’Soulkilla’’ është projekti më i ri nga Enca Haxhia, pas hitit të madh ‘’A po t’pëlqen’’ dhe këtë verë duket se do të pushtojë përsëri.
Këngëtarja Haxhia, përveç këtij klipi, është duke punuar edhe për karrierën ndërkombëtare, sepse së shpejti sjell një duet dance.
‘’Këtë herë kam punuar duke dhënë shumë nga vetja. Prej kohësh kam dashur të bëj një këngë të tillë. Së shpejti dal dhe në një duet me një këngëtare të njohur ndërkombëtarisht.
Është këngë dance, uroj të ketë sukses, një projekt për të cilin kam punuar shumë vetë. Sigurisht që do kemi një këngë të dytë me Noizin, një këngë ritmike, por presim momentin dhe materialin e duhur. Kurse albumi është finalizimi i një pune disavjeçare. Do pres gjithashtu momentin që të lançoj bashkë me këngë të reja edhe këngë hite që kam pasur. Është në planet e mia dhe shpresoj të ndodhë së shpejti. Jam duke punuar shumë në këtë fushë, ka qenë punë shumë impenjative dhe për projekte të mëdha’’, thekson Enca për panorama.
Ajo tashmë ka fituar edhe një konkurrente në fushën e rrjeteve sociale, për të cilën thotë ‘’Vërtet Uindi, motra ime e vogël, është e talentuar, por nuk do merret me muzikë’’.
E, sa i përket deklaratës së famshme të Era Istrefit se do bënte ‘’trileçe’’ me Encën dhe Ledrin, këngëtarja i përgjigjet ‘’Unë nuk jam fanse e trileçeve. Sa i takon jetës private, jam shumë normale dhe nuk kam çfarë të tregoj’’.
